Brannskyveporter, brannsjalusiar og branngardiner skal vere CE-merket og ytingstesta

Brannskyveporter, brannsjalusiar og branngardiner skal CE-merkes etter standarden NS-EN 16034:2014. Det skal òg utførast ytingstestar etter NS-EN 13241:2003+A2:2016.

Sist endret 10.08.2022

Standarden gjeld for brannskyveporter, brannsjalusiar og branngardiner. Direktoratet for byggkvalitet (DiBK) vurderer at alle desse produkta skal CE-merkes i samsvar med NS-EN 16034 når det gjeld brannkrav.

DiBK vurderer at brannskyveporter, brannsjalusiar og branngardiner òg er dekt av standarden NS-EN 13241, og dermed skal produkta ytingstestast. Dette gjeld både ut- og innvendige brannskyveportar, brannsjalusiar og branngardiner. Branngardiner er ikkje spesielt nemnde i denne standarden. DiBK har denne grunngivinga for å inkludere branngardiner:

  • Prøvningsmetodene i NS-EN 16034 og NS-EN 13241 er eigna til branngardiner. NS-EN 16034 dekkjer krava for branneigenskapar og NS-EN 13241 dekkjer krava til motoriserte eigenskapar.
  • I Official Journal er det notert at NS-EN 16034:2014 berre skal nyttast saman med anten NS-EN 13241:2003+A2:2016 eller NS-EN 14351-1:2006+A2:2016. Av desse to er det NS-EN 13241 som er aktuell for branngardiner.
  • Branngardin er ikkje spesielt nemnd i NS-EN 13241, pkt. 1.1, men det er nemnt at standarden ikkje gjeld teatergardiner/sceneteppe (på engelsk theatre textile curtains). Branngardiner er ikkje ekskluderte og vi tolkar det derfor slik at standarden gjeld branngardiner, men ikkje sceneteppe. I tillegg fell branngardiner inn under definisjonen av omfanget i standarden baserte på bruk: “intended for installation in areas in the reach of persons, and for which the main intended uses are giving safe access for gods and vehicles accompanied or driven by persons in industrial, commercial or residential premises”.
  • I standarden NS-EN 16034 pkt. 3.1 blir definerte branngardiner (stoffgardiner) som døyr. I standarden NS-EN 13241, pkt. 1.1 scope står det at denne dekkjer commercial doors og dette står også i NS-EN 16034, pkt 1.1 scope.
  • Arbeidsgruppa Notified bodies har konkludert med at branngardiner, brannskyveporter og brannsjalusiar kan/skal CE merkast.

Det er produsenten/leverandøren av branngardiner som definerer bruken av produktet, og dersom han kjem inn under virkeområdet til NS-EN 16034 og NS-EN 13241 skal produktet CE-merkes.

Referansar

NS-EN 16034-2014: Inngangsdører, porter og vinduer som kan åpnes - Produktstandard, ytelsesegenskaper - Brannmotstands- og/eller røyktetthetsegenskaper

NS-EN 13241:2003+A2:2016: Porter og bommer - Produktstandard, ytelsesegenskaper